కన్నీళ్ల మధ్య ముగిసిన పోరాటం… ఆశలతో స్వదేశం చేరిన తెలుగు మిత్రులు
నెలల తరబడి కఫీల్ వేధింపులు, మోసాలు, తప్పుడు కేసుల నడుమ నరకయాతన అనుభవించిన ఇద్దరు తెలుగు మిత్రుల జీవితాల్లో చివరకు వెలుగు నింపింది Saudi Arabia Telugu Association (SATA) కుటుంబం.
ఎటు వెళ్లాలో తెలియని పరిస్థితి… చేతిలో డబ్బుల్లేవు… బయటకు రావడానికి మార్గం లేదు… ఎగ్జిట్ కూడా పడకుండా అన్ని దారులు మూసివేయబడిన పరిస్థితిలో, చివరి ఆశగా వారు ఆశ్రయించింది SATA ను.
తప్పుదారి పట్టించి సంతకాలు తీసుకోవడం, తప్పుడు కేసులు పెట్టించడం, బెదిరింపులు, మానసిక ఒత్తిళ్లు… ఇలా ప్రతి రోజూ భయంతో గడిపిన ఆ బాధితుల పరిస్థితి తెలుసుకున్న వెంటనే SATA రియాద్ కోర్ టీమ్ స్పందించింది.
“మన వాళ్లు కష్టంలో ఉన్నారు” అనే ఒక్క భావనతో, రోజు రాత్రి తేడా లేకుండా రెండు నెలల పాటు వారి కోసం పరితపించింది.
ఈ క్లిష్ట సమయంలో SATA ఈస్ట్రన్ కోర్ టీమ్ సభ్యులు కూడా అసాధారణ సహాయం అందించారు. బాధితులకు ఆహారం, వసతి ఏర్పాటు చేసి… వారు ఒంటరిగా లేరనే భరోసా కల్పించారు. ప్రతి రోజు వారి పరిస్థితిని తెలుసుకుంటూ, ధైర్యం చెబుతూ, కుటుంబ సభ్యుల్లా అండగా నిలిచారు.
ఈ మొత్తం సహాయక చర్యల్లో SATA సోషల్ సర్వీస్ లీడ్ రంజిత్ కీలక పాత్ర పోషించారు. వివిధ టీమ్‌లను సమన్వయం చేస్తూ, సమస్య పరిష్కారం కోసం నిరంతరం శ్రమించారు. బాధితులను పలుమార్లు వివిధ నగరాలకు స్వయంగా తీసుకెళ్లి అవసరమైన కార్యాలయాలు, అధికారులను కలిసేలా చేశారు. అవసరమైన డాక్యుమెంట్లు సిద్ధం చేయించడం, లీగల్ ప్రక్రియలను పూర్తి చేయించడం, టికెట్లు మరియు ఆర్థిక సహాయం ఏర్పాటు చేయడం వంటి అనేక బాధ్యతలను వ్యక్తిగతంగా తీసుకుని చివరి వరకు అండగా నిలిచారు.
ప్రతి కార్యాలయం చుట్టూ తిరిగి… ప్రతి అధికారిని కలిసి… వారి మీద ఉన్న ఫైన్స్ క్లియర్ చేయించి… అన్ని లీగల్ అడ్డంకులను తొలగించేందుకు SATA సభ్యులు అహర్నిశలు శ్రమించారు. కొన్ని సందర్భాల్లో తమ వ్యక్తిగత సమయం, డబ్బు, శక్తి అన్నీ పక్కన పెట్టి, “వాళ్లు సురక్షితంగా ఇంటికి చేరాలి” అనే ఒక్క లక్ష్యంతో ముందుకు సాగారు.
చివరికి ఎన్నో అడ్డంకులు, ఒత్తిళ్లు, నిరాశల మధ్య… ఆ తెలుగు మిత్రులను సురక్షితంగా స్వదేశానికి పంపడంలో SATA టీమ్ విజయం సాధించింది.
ఎయిర్‌పోర్ట్‌లో స్వదేశానికి బయలుదేరే సమయంలో వారి కళ్లలో కనిపించిన ఆనందబాష్పాలు… SATA సభ్యుల కష్టానికి నిజమైన గుర్తింపుగా నిలిచాయి.
ప్రత్యేకంగా SATA రియాద్ కోర్ టీమ్, ఈస్ట్రన్ కోర్ టీమ్ సభ్యులు మరియు సోషల్ సర్వీస్ లీడ్ రంజిత్ గారి సేవలు నిజంగా అభినందనీయం.
ఎన్ని ఇబ్బందులు వచ్చినా వెనక్కి తగ్గకుండా, “మన వాళ్లు సురక్షితంగా ఇంటికి చేరాలి” అనే ఒక్క లక్ష్యంతో చేసిన సేవ ప్రతి తెలుగు హృదయాన్ని కదిలిస్తోంది.
మనుషుల రూపంలో దేవుళ్లు ఉంటారని మరోసారి నిరూపించింది SATA కుటుంబం.
ప్రవాస జీవితంలో ఇబ్బందుల్లో ఉన్న తెలుగు వారికోసం ఎప్పుడూ అండగా నిలిచే SATA సేవా స్పూర్తికి ప్రతి తెలుగు హృదయం గర్వపడుతోంది. 🤝🇮🇳
